پیش کرتے ہیں حاضرہ تصویر
شعر حالات کا ،خلاصہ ہیں
جو بڑھاتے ہیں حوصلہ میرا
میرے قاری مرا ، اثاثہ ہیں
۔۔۔۔۔۔۔۔
یوں ہی پڑھتے رہے کتابوں سے
معنی اس لفظ کے ، مرے بھائی
اس کی پیشانی جب سے دیکھی ہے
مہ جبیں لفظ کی ، سمجھ آئی
۔۔۔۔۔۔۔۔۔۔۔
چھینا جھپٹی کا اب ہے وہ عالم
ڈاکو ہر اک ، دکھائی دیتا ہے
اب تو اتنے ہیں لگ چکے پودے
شہر جنگل دکھائی دیتا ہے
۔۔۔۔۔۔۔۔۔
ہے یہ فطری سنکھار ، کا موسم
تیرے جوبن نکھار ، کا موسم
ہر طرف سبزہ پھول خوشبوئیں
کتنا پیارا بہار کا موسم
۔۔۔۔۔۔۔۔۔
دانت موتی یہ ہونٹ یاقوتی
حسن سے جن کے ہیں سویرے بھی
سوچتا ہوں کہ ایک دن عاصم
خاک ہو جائیں گے یہ چہرے بھی
Related posts
-
صغیر احمد صغیر ۔۔۔ اژدھا
اژدھا ۔۔۔۔ میں وہ نہیں صغیر، میں جو تھا بدل گیا یہ کیسی شکل ہے میں... -
نثار ترابی ۔۔۔ یقین سے پھوٹتے لمحے کا ادراک (فلسطین کے تناظر میں)
یقین سے پھوٹتے لمحے کا ادراک (فلسطین کے تناظر میں) ۔۔۔۔ اُڑان قاتل ہے یہ سفر... -
شائستہ رمضان ۔۔۔ نظم
نظم ۔۔۔ محبت رمز ہے گہری کبھی یہ فقر لگتی ہے صدائے کن کی چاہت میں...